دل که اۆزون عشقه توتا صبح و شام

دل که اۆزون عشقه توتا صبح و شام،
قویماز عشق اونون مرادین ناتمام.
سایه بانین جانه قور، ای عشق! گل،
باشیمیزدا کؤلگه اولسون مستدام.
«لایجوز العشق» دئمه زاهید! بیزه،
بو گناهله ائده‌مزسن انتقام.
دردسر وئردی یئنه رنج خومار،
گل گتیر ساقی شراب لعل فام.
مفتی‌ی عشق وئردی فتوا باده [کیم]،
یار همدرد ایله اولمازمیش حرام.
آتش عشقیله یاندیم، الصلوه،
عقل و فیکری بادا وئردیم، والسلام.