سنین اول زولف و روخسارین اولور لار دمبدم یکسان
سنین اول زولف و روخسارین اولور لار دمبدم یکسان،
منیم یانیمدا اول اۆزدن بیر اولدو کوفر ایله ایمان.
یاینیز حوسنونه حئیران دگیلمن من، سنه هر کیم،
که حئیران اولماسا جانا اولورمن هم اونا حئیران.
اگر اول غمزهی خونریزینه شاگیرد اولا حاجت،
هزاران خیضر ایله عیسانی قصّاب ائیلمک آسان.
دل عشاقه خنجر چکمگی خو ائیلمه، هردم،
بو خویی ترک ائت، ای بدخو! که جانیم خویونا قوربان!
آیاغین توپراغین تاپگئچ یاشاریر مردوم چشمیم،
بلی گؤوهر بولونجاق، مفلیس ائیلر لاجرم پنهان.
پریرو دلروبالر زولفو کوفرونه توتوبدور خو،
بو گومره کؤنلومه یوخدور مسلمان اولماغا امکان.
منی دیوانهلیکدن عقل ساری ایستهمیش زاهید،
غریبی! من اونو چوخ بو قدر بیلمز ایدیم نادان.