منو
جمالین نورودور، ای شاه! «سبحان الذی اسرا»
جمالین نورودور، ای شاه! «سبحان الذی اسرا»
اولوبدور عبده‌ی لیلا قاپیندا مسجد اقصا.
یازیلمیش سوره‌ی «انّا فتحنا» آلنین آییندا
لبین تفسیری‌دیر «فتح قریب» و سیرر «ما اوحا».
کلامیندا اولوبدور نفحه‌ی روح القدس مخفی
دلینده منکشف دیر معنی «ان یحیی الموتا»
گل ای نور تجلی طلعتیندیر «والضحی» شرحی
قاشیندیر «قاب قوسین» و ساچیندیر «لیلة الاسرا»
روخونلا عارضیندیر معنی «الحمدللّه» کیم
خط و خالینده روشندیر بیان «علّم الاسماء»
ایریشیر بی‌گمان عین‌الیقین اسرارینا تحقیق
آیاغین توپراغین هر کیم ائدرسه گؤزونه توتیا
دئمز من خدمتینه قیصّه‌ی باران اشکینی
کی سنین گوشونه لاییق دگیل بو لؤلؤ لالا.
توشوبدور دیشلرین عکسی غریبی چشمینه، جانا!
زهی پاکیزه گؤوهر که ائیله‌دی او چشمه‌نی دریا.
اولوبدور عبده‌ی لیلا قاپیندا مسجد اقصا.
یازیلمیش سوره‌ی «انّا فتحنا» آلنین آییندا
لبین تفسیری‌دیر «فتح قریب» و سیرر «ما اوحا».
کلامیندا اولوبدور نفحه‌ی روح القدس مخفی
دلینده منکشف دیر معنی «ان یحیی الموتا»
گل ای نور تجلی طلعتیندیر «والضحی» شرحی
قاشیندیر «قاب قوسین» و ساچیندیر «لیلة الاسرا»
روخونلا عارضیندیر معنی «الحمدللّه» کیم
خط و خالینده روشندیر بیان «علّم الاسماء»
ایریشیر بی‌گمان عین‌الیقین اسرارینا تحقیق
آیاغین توپراغین هر کیم ائدرسه گؤزونه توتیا
دئمز من خدمتینه قیصّه‌ی باران اشکینی
کی سنین گوشونه لاییق دگیل بو لؤلؤ لالا.
توشوبدور دیشلرین عکسی غریبی چشمینه، جانا!
زهی پاکیزه گؤوهر که ائیله‌دی او چشمه‌نی دریا.