اهل توحید ایچره کیم الاً دورور لادان غرض
اهل توحید ایچره کیم الاً دورور لادان غرض،
ذات پاکیندیر سنین: باللّه كه الّادان غرض.
آتا - آنا مئهرینی تاپمازدی، بولمازدی وجود،
گر وجود تک بولماسا آدم و حوا غرض.
جان و دل یوز شؤوقیله دیدارا ایروب ذرهوار،
بیوجود اولماقدورور اول حوسن زیبادان غرض.
خاندا کیم باخسا نظر دیدارا ائیلر اهل حق.
پردهی ظولمت دگیل ای نور بینادان غرض.
عیش ایله عیشرت موارد ائتمه کؤنول معشوقهدن
بیر نظردیر پاک بو عشّاق شئیدادان غرض.
سایهی هیمت دورور قددیندن ای عالی جناب،
سرو یا طوبا دگیل او قدد و بالادان غرض،
ای غریبی! عیشرت غیلمان و حورا سانما کیم
وصلت دیداردیر جنات مأوادان غرض.