هر گه کی ائده‌سن گؤزه‌ليم نازه ابتدا

هر گه کی ائده‌سن گؤزه‌ليم نازه ابتدا،
عاشیق کیم اولا کیم دل و جان ائتمیه فدا؟
بوینومدا مشکی سلسله‌دیر، سئودیگیم سنین،
گیسولرین کمندینه نئچون دئرم بلا؟
کرباس اولورسا قتلیم ایله تیغین، ای پری!
جیسمینی یاندیریب، کول ائدیب، قیل یئنه جلا.
هیجرین اودونا یاندی اگر چه کؤنول، ولی
قدر وصالی بیلمه‌دی، اولدو اونا سزا.
گئتدی اسیر عشق اولوبان، یارین ایسته‌یو
هر کیم که گلدی عالمه گر شاه، اگر گدا.
کئچ دونیادان، غریبی! دیلر سن ابد حیات،
گل آری اعتقاد ایله ائت عشقه ابتدا.