تا که قیلدی گول اۆزون بولبول صیفت پئیدا منی
تا که قیلدی گول اۆزون بولبول صیفت پئیدا منی،
دام زولفون بند ائدیب، قئید ائتدی سر تا پا منی.
شربت لعلین منه أمسم گرکدیر، لاجرم،
دوستوم عشقین هاواسیندا دو تا رحما منی.
جور و ناز ایچون گتیرمیشدی سنی تکجه فلک،
درد و هیجر و زجر ایچون خلق ائیلهمیش مولا منی.
گئجهلر زولفونده جانا توتدوغوم بودور قرار،
روز عؤمره ایرگیره شاید شب یلدا منی.
دور دیشین یادینا هر دم گؤزلریم دورلر توکر،
گؤر نه غواص ائیلهدی اول لؤلؤ لالا منی.
بیر یالینجاق تیبلهدیر سئودای زولفون کی کؤنول،
قارا چوللار گئیدیریب آخیر ائدر روسوا منی.
هر طرفدن تیر غم کؤنلوم ائدر دائیم هدف،
اؤلدوررمی بو کمان سخت ناپئیدا منی؟
ای غریبی! خواب غفلتده قالیرسام تا ابد،
وامنی، ای وامنی، ای وامنی، ای وامنی!