میسر می اولور جانا هامی مهرویه دلبرلیک؟
میسر می اولور جانا هامی مهرویه دلبرلیک؟
نصیب اولورمو هر آئینه پردازا سکندرلیک؟
کلاهین کچ قیلیب تند ائتمهسین خوئینی هر خودبین.
گؤزلر ایچره قد و چهره بیرله شاه اولان آفت،
حسن مولکونو فتح ائیلر، بیلرسه داد گؤسترلیک.
دوروست ائیله وفا و عهدینی، عالمده بیمثل اول،
وگرنه جمله خوبون عادتیدیر بو ستمگرلیک.
غلام هیمّتینه من گدا اول عافیت سوزون،
کی فقر ائلینده سولطان ائده آنی کیمیاگرلیک.
كؤنول! گل جان و دلدن قوللوق ائت، موزد اومما اول شاهدان،
که اونون الطافینا مخفی دگیلدیر بنده پرورلیک.
غریبی! نئچه یوزمین نکتهلر واردیر بو یول ایچره،
هئی، ای واللّه! دئمکله کی دوردست اولماز قلندرلیک.