منو
اول شه عالی نسب سیرّ ایلاهیمدیر منیم
اول شه عالی نسب سیرّ ایلاهیمدیر منیم،
مُرشدوم، پیریم، پناهیم، پادشاهیمدیر منیم.
تاج اؤرونموش لاله تک بیر کربلا ابدالیام،
اشک سورخوم هم رفیقیم، هم گواهیمدیر منیم.
دهری هر دم آغلادان ابریله باران سانما، گؤز،
چشم آب افشانیم ایله دود آهیمدیر منیم.
وادی غوربتده ای وه! بولمادیم غمدن نجات،
طالع شوموممی یا بخت سیاهیمدیر منیم؟
غم بیابانیندا سولطانم بو گون مجنون وار،
وحش و طیر، انسیم، انیسیم، هم سیپاهیمدیر منیم.
لشکر غم عالمی توتسا، ایریشمز گردینه،
آستانین توپراغی، شاها! پناهیمدیر منیم.
شاه مردان عشقینه، عفو ائت غریبی‌نین سوچون.
خاک پاییندا یئنه عوذروم، گوناهیمدیر منیم.
مُرشدوم، پیریم، پناهیم، پادشاهیمدیر منیم.
تاج اؤرونموش لاله تک بیر کربلا ابدالیام،
اشک سورخوم هم رفیقیم، هم گواهیمدیر منیم.
دهری هر دم آغلادان ابریله باران سانما، گؤز،
چشم آب افشانیم ایله دود آهیمدیر منیم.
وادی غوربتده ای وه! بولمادیم غمدن نجات،
طالع شوموممی یا بخت سیاهیمدیر منیم؟
غم بیابانیندا سولطانم بو گون مجنون وار،
وحش و طیر، انسیم، انیسیم، هم سیپاهیمدیر منیم.
لشکر غم عالمی توتسا، ایریشمز گردینه،
آستانین توپراغی، شاها! پناهیمدیر منیم.
شاه مردان عشقینه، عفو ائت غریبی‌نین سوچون.
خاک پاییندا یئنه عوذروم، گوناهیمدیر منیم.