سخن سرنامهسی، جان بولبولو، باشدان ائدر آغاز
عجب میدیر اگر اوج فلک ده ائیلسه پرواز!
بلاغت زیوریلری عالیملرینین ضمیر منیرِ آفتاب تنویرلرینه مخفی دگیلدیر
که فصاحت گؤوهرلری ناظیملری کیم سباحان بحر نظم دورورلر، تموج افکار ایله
بر کنار نتدیکلری جواهیر الفاظی رشتهی قلم اوزره تنظیم ائدیب و حروف تهجی
ترتیبی ایله ترتیل دیوان اظهار و اشعار ائیلهیب مُرغِ روحلارینا ظاهراً مجاز
یوزونده جؤلان ائتدیریب حقیقتاً حقیقت صورتی معناسیندا سئیران قیلمیشلاردیر
و قیلیرلار.
شیمدیکی حالدا، اشبو فضل و استعداد سئوداسینین کم مایهسی باطن شاه
ولایت و ائمهی اهل هیدایت علیهمالسلام عینایت بینهایتلریندن، هیدایت و
استعانت التجا ائیلهییب،اول بهرهوران بخش ایلاهی پیرولوکلرین استدعا
ائدیندی. گورهليم یمن هیمتلری و کمال هیدایتلری نه وجهیله تعلیم و ارشاد
بویورارلار.
دل تمنای وصل جان ائیلر،
گورهليم مرتضی علی نئیلر
مصراع
وئر قوللارینین مورادینی، یا مرتضی علی!