یوردوموز

سحر اولدو، گۆن هر یئره یاییلیر،
قوردلار، قوشلار اکینلرده آییلیر.
کؤلگه دۆشور پرده-پرده یوللارا،
آخار سودا، داشلار، قوملار ساییلیر.

یاپراق-یاپراق گزیر قؽزیل ایشیقلار،
آل ایشیقلار — قوشلار اوچور بیقرار،
هر ایشیقدا اوووج-اوووج اولدوزلار،
هر ایشیقدا درین، گیزلی بیر سیرّ وار.

چیراق کیمی لاله‌لردیر اودلانان،
لاله‌لرین اۆزرینده قؽزیل قان.
یئر اۆزونون جنّتیدیر یوردوموز،
اونوت گؤیو، بیزیم یئرده گل دولان.