چیپچالاندیر چاخیری عشق خماردیر دئیهسن
وارلیقین خرقهسی جان اگنینه داردیر دییهسن
توزلادیر هانسی خیال گل گئدی سودا یوواسین
گۆزگونون گؤزلری یار گؤرمهده تاردیر دییهسن
آی گونش هاردا قالیبسان قاریشیر قیش یازیما
قصد ائدن یاغماغا کؤنلومدهکی قاردیر دییهسن
بئله قالماز آچیلار قاپلاری میخانه دییهن
هله ده یانقین اولان دمده دچاردیر دییهسن
توتالیم آچدی سیزیلداقدمی ایستک قاپیسین
قاپیلار دالداسی بیر باشقا دوواردیر دئیهسن
نه اوزاق وار، نه یاخین وار، نه دووار وار نه قاپی
بئله گؤرکم له گزیر سن کیمی، واردیر دئیهسن
کیم آچار سالما دادیر کؤنلوم ائویندن جانیما
چوخ سیزیلدانما سحر گلمهده یاردیر دییهسن