وارلیق ترانهسی
سئویم اصلی
دؤزوم دمی
ایستک بهانهسی
وار-وار
هر وارلیقین واری
سنی بیر گیزلهدن بویاق
اولدوزلارین اوزونده پاریلداق
دوواق-دوواق
جوهر
چاخیر
جواب
محنت چکنلرین اۆرگین منزل ائیلیهن
ایتمیش باخیشلار ایچره گؤروشدن گول ائیلیهن
هر گول
هر آشنا
هر ایشیق
هئچنه، هرنهلیک
اوجسوز بوجاقسیز عالمه عالم
دوامه دم
محرم
عزیز
محبّت گونشلری
ظاهر اؤلوملر ایچره
دوغولماق مرارتی
سؤدا حرارتی
باسط
بسیط
بساطت حلاوتی
شاعرلرین اورک یولونا سؤز یاغیشلاری
معنا آخیشلاری
قائم
غزل
گؤزل
عاشقلرین ایچینده ساز چالان عاشق
قالان-قالان
ماهنی
ترانه
ترنّم بهانهسی
ایتمیشلرین جانیندا تاپیلماق نشانهسی
سئودا ترانهسی
هر یولدا آختاریش هدفین عشقه ساخلایان
نوردان فیکیر ساچاقلارینا هاله باغلایان
عالم
علیم
علم
جان رطلی
گۆزگو گؤزلو
بویاقسیزلیق آیناسی
رحمان-رحیم
وهبلی
وهب لنا