داندیغیم وار یوخ گؤزلدیر یار یانیندان گلمیشم
کؤنلومو تسخیر ائدهن ایلقار یانیندان گلمیشم
زخمه زخمه یوخلاییبدیر، سانماکی سامانسیزام
نغمهتک اظهاره قالخیب تار یانیندان گلمیشم
شرق کؤنلومدن ایشیق بورج آلماق ایستیر، اولمیا
آنلاییبدیر اول گونش دستار یانیندان گلمیشم
یول سالیب معنا باغیندان بیر باخیشلیق وصل اوچون
سؤزلری گاه عشق گله انکار یانیندان گلمیشم
سؤز وئریبدییر آچدیرا کؤنلومدهکی میخانهنی
باغلی قاپلار آچدیران سردار یانیندان گلمیشم
بیر باخیش مین بیر تانیشلیق بیر گؤروش مین بیر بلا
گؤزلریندن داشلانان اسرار یانیندان گلمیشم