سنی آختارماق اوچون یوللانیرام
سن یولسان!
سؤز گزیب
سورغو دوزهلدیب
گؤرهنه
یول بیلهنه
یول گئدهنه یالواریرام
سن او یالوارماغا میدان تؤرهدن
سن او گئدهن
سن او بیلهن
الیم آختاردیغی ال
ایتمک اندیشهسی ظلمتده
یاخامدان یاپیشان دملرده
سن الیمدن دوتان ال
سن او گیزلینده بیتن یاردیملیق
سن وارسان!
اؤزگهلردن سوروشوب یوللانیرام
دالیبان باشقالاریندا
اونودوردوم اؤزومو
من اؤزوم یول
من اؤزوم یول گئدهنم
سن من سن!
سن واریم
سن ایتیکیم
بیلدیگیم، بیلمهدیگیم.
بیلمهمهزلیک یاراشانماز یاراشیقلیق دمینه
سنه یول تاپماغا خاطر
اؤزومو آختاریرام
سن سن سن! .....