دیندیرمه…

دیندیرمه منی غم جالانار دیل دوداغیمدان
نیسگیل سئلی باشلار آخا سولموش یاناغیمدان
کؤکلو چینی‌لر تک آمانا بند اورگیم وار
قوی توزلو قالیم یوخلاما اندیرمه طاغیمدان
قاندال یاراسی مرهم دیوانه لیگیمدیر
پامبیقلاری ترپتمه قان آخدیرما داغیمدان
تیترتمه منی تک آخاجام غم اتگینده
نیسگیل اله‌نر شاختا قوروتموش بوداغیمدان
بیر یالخی محبّت‌دن اؤتور اویخولو بختیم
هر سمته سوروندوردو منی کؤرپه چاغیمدان
قلبیمده دؤزوم طرحی تومارلانماقا یوخدور
وولغان کیمی اود ییرقالانار دویغو داغیمدان