منو
نولار یار…
نولار یار یول سالیب مسجد گۆلوب بتخانه کئفله‌نسه
ایشیق‌لیق باشلانیب حق داشلانیب افسانه کئفله‌نسه
چکیب عشقین عذاریندان خیال‌لار پرده‌سین بیربیر
باشیندان عقل دستارین آچیب فرزانه کئفله‌نسه
تؤکوب بیر بایدا عشقی آد قویوب وارلیق، نولار من تک
چیخیب پیمانه‌لر اندازه‌دن میخانه کئفله‌نسه
چکیل گئن دور دئنن عقله، سیغین بیگانه من‌لردن
ییخار عقلین بناسین من کیمی دیوانه کئفله‌نسه
خماردیر توولانان یار دورینه گئندن، مدد قیلسان
الولارلا یانارکن بیرله‌شر پروانه کئفله‌نسه
دیلک‌لر کروانیلا یول توتارکن کؤچمه کؤنلومدن
تاپیب ایثار ائدر گنجین اگر ویرانه کئفله‌نسه
اورک‌ده کئفلی‌لیک یاردان مبارک‌دیر سحر یوخسا
خطادن داشلانار معنا اگر پیمانه کئفله‌نسه
ایشیق‌لیق باشلانیب حق داشلانیب افسانه کئفله‌نسه
چکیب عشقین عذاریندان خیال‌لار پرده‌سین بیربیر
باشیندان عقل دستارین آچیب فرزانه کئفله‌نسه
تؤکوب بیر بایدا عشقی آد قویوب وارلیق، نولار من تک
چیخیب پیمانه‌لر اندازه‌دن میخانه کئفله‌نسه
چکیل گئن دور دئنن عقله، سیغین بیگانه من‌لردن
ییخار عقلین بناسین من کیمی دیوانه کئفله‌نسه
خماردیر توولانان یار دورینه گئندن، مدد قیلسان
الولارلا یانارکن بیرله‌شر پروانه کئفله‌نسه
دیلک‌لر کروانیلا یول توتارکن کؤچمه کؤنلومدن
تاپیب ایثار ائدر گنجین اگر ویرانه کئفله‌نسه
اورک‌ده کئفلی‌لیک یاردان مبارک‌دیر سحر یوخسا
خطادن داشلانار معنا اگر پیمانه کئفله‌نسه