منو
بئله قالماز،…
بئله قالماز، ییخیلار وصل ائوی بیگانه‌لرین‌ده
یئتیشر قول قانادی آتشه پروانه‌لرین‌ده
یا مفتّح چاغیرانلار گئجه باغریندا دئییرلر
آچیلار باغلی قالان قاپلاری میخانه‌لرین ده
ظاهر اووجونداکی پول جاذبه‌لر قویماسالاردا
گؤرونر گیزلی گؤزل لیک‌لری ویرانه‌لرین‌ده
بو گیلئی‌لیک سئلی یئتسه او کرم بحرینه، اوردا
بوغولار اوندا یالان بؤلگوسو پیمانه‌لرین‌ده
چوخ زمان سورمز اگر دؤزمک اوچون چاره تاپیلسا
اوخونار قاندال ایزیندن سؤزو دیوانه‌لرینده
گینه‌ده طعنه‌لری چولغادی تدبیریله ناصح
قاریشار عقل ائوی کؤنلوم کیمی فرزانه‌لرین ده
سحر آخشام چاغیدیر، آغلاما نیسگیل کؤمه‌سینده
یئتیشر حضرت عشقه سؤزو، حنّانه‌لرین ده
یئتیشر قول قانادی آتشه پروانه‌لرین‌ده
یا مفتّح چاغیرانلار گئجه باغریندا دئییرلر
آچیلار باغلی قالان قاپلاری میخانه‌لرین ده
ظاهر اووجونداکی پول جاذبه‌لر قویماسالاردا
گؤرونر گیزلی گؤزل لیک‌لری ویرانه‌لرین‌ده
بو گیلئی‌لیک سئلی یئتسه او کرم بحرینه، اوردا
بوغولار اوندا یالان بؤلگوسو پیمانه‌لرین‌ده
چوخ زمان سورمز اگر دؤزمک اوچون چاره تاپیلسا
اوخونار قاندال ایزیندن سؤزو دیوانه‌لرینده
گینه‌ده طعنه‌لری چولغادی تدبیریله ناصح
قاریشار عقل ائوی کؤنلوم کیمی فرزانه‌لرین ده
سحر آخشام چاغیدیر، آغلاما نیسگیل کؤمه‌سینده
یئتیشر حضرت عشقه سؤزو، حنّانه‌لرین ده