قوشولوب…

قوشولوب قاچمادادیر دویغو گمانیله یئتیش
گینه چارپیشمادادیر سؤز هذیانیله یئتیش
اویخو یول کسمه‌ده‌دیر دویغولارین کروانینا
فکر ایتیرمکده یولون قالدی زیانیله یئتیش
اولوب عقلیله دیلک‌سیز اورگیم ال به یاخا
چوخ یوبانما بویانار عقل الی قانیله یئتیش
عصر گئتمکده دؤزوم دم‌لری بیتمک ده، قالان
عشقینه ماهنی قوشاندیر یاری جانیله یئتیش
دایاناقسیز ایزه بنزیر سحرین نور دیلگی
توتوشور گؤز گیله‌سی هیسلی دومانیله یئتیش