دوواق

منی بیگانه سانارکن اؤزونه
بی‌تفاوت سووشور اویغولاریم
گؤز حریمینده گؤروش طرحیندن
سانکی مندن اوشونور
باخیش عنواندا بیتن،
سورغولار لؤتگه‌سی
طوفان‌دا ایتیر‌میش آداسین
ایستگ اووجوندا بیتن سؤدالیم
باغلاییب‌دیر.
دعالار قاپ باجاسین
لحظه سایمازیانا مندن سووشور
اونودوبدور ائله بیل
منده سئودا بویو حال اولماغینی
باشلاییب منده محال اولماغینی
سمت دیداره دوواق باغلاناراق
گۆزگوده اۆز چئویریر تصویریم
اولموشام اولماق آرا تقصیریم
حال ایتیب
گئچمیش یوخدور
گله‌جک، گلمیه‌جک
قارشیما آلقیش اولوب‌لار گئجه‌لر
اونودوبسان منی
ای عشق مگر؟