سینیب سیندیرمیشام پیمان، جزا مئیدانی هارداندیر
یانیب یاندیرمیشام سامان فنا سامانی هارداندیر
دؤنوب محرابه گؤز تیکمه آخان سیلابه گؤز تیکمه
مرکّب اوز بو حالیله دعا امکانی هارداندیر
جهانیم تار و مار اولموش جانیم حسرتله همسردیر.
دئدین غملر مقدّردیر قضا طوفانی هارداندیر
مذلّت کؤلگه سالماقدا بو چال-چاپدان قالان عشقه
اورک یاندیر دالان عشقه شفا دامانی هارداندیر
طاس آتدیم آلتی سمتیندن، کور اولدی سمتی سمتیندن
اورک لیلاجی یاردیم دور غنا ویرانی هارداندیر
غمیمدن چاتلیان داشلار آخیب سیلاب اولان یاشلار
خطا ائتدیم صواب اولدی عطا فرمانی هارداندیر.
سحر یار جلوهلهنمکده گۆناهیله صواب ایچره
سوروش گیزلین خطاب ایچره صفا دورانی هارداندیر