سینه میدان ائتمیشم گلمک خیالین وار بویور
عشقی دربان ائتمیشم گلمک خیالین وار بویور
گاه باغیرماقدیر ایشیم، گاه یار چاخیرماقدیر ایشیم
خلقی حیران ائتمیشم گلمک خیالین وار بویور
قصر تیکمیشدیم دیلکلر کرپیجیله جور به جور
جمله ویران ائتمیشم گلمک خیالین وار بویور
اولماسا مقدور قان وئرملکه مقبول اولماغیم
گؤزیاشین قان ائتمیشم گلمک خیالین وار بویور
باشلانان یالنیش سحردیر آلمیشام باش ساغلیغین
یولدا قربان ائتمیشم گلمک خیالین وار بویور