قدم وورور، داریخیر سینهده دؤزوم تئز گل
سلام علیکه دؤنوب دیلده هر سؤزوم تئزگل
سنین هاواندا چالیر قول قانات باخیش ماراغی
گزیر سنی، نهیه باخماقدادیر گؤزوم تئزگل
اؤزوم اولام سنه قربان گرک، بو نیّت ایله
دوروب اوتورمادایام شوقیلن اؤزوم تئز گل
آماندی چوخ یوبانارسان یانار نهوار واردا
الولانار گینهده کوللهنن کؤزوم تئزگل
جنون ایاقلاری تاققیلدادیر گیریش قاپیسین
گئدیش یولون آراییر، آختاریر دؤزوم تئز گل