گینه قلم…

گینه قلم دیلی قارقیش دوداقلارین دولانیر
باهار ماراقلی دیلک قیش بوداقلارین دولانیر
نه بیلدی غم یولا قویدوم قدم-قدم قویوبان
چیخیبدی قارشیما آلقیش قوجاقلارین دولانیر
کؤنول کول اولمادا یونگول له‌نیب نه‌دندیرکی
دیلک-دیلک دییه کئچمیش اوجاقلارین دولانیر
ایاق یالین‌لارا ائتمه نظر حقارت اوزیلن
یقین کی یئر اؤزو درویش ایاقلارین دولانیر
یئل اسدی، خاطیره‌لر یوردونا آپاردی سنی
کؤنول باخیشلاری ایتمیش ماراقلارین دولانیر
دؤزوم اوزولمه‌ده‌دیر، طاقتیم کسیلمکده
سؤزوم هوایه دؤنوب دیش دایاقلارین دولانیر
سحر نه گلدی سؤزوندن ماراقلانان سئویمه
دؤنوب قلم دیلی قارتیش دوداقلارین دولانیر