موحاط اولماقدادیر اندیشهمین معناسی عشقیله
محیط عشق اولوب کؤنلوم دولوب دنیاسی عشقیله
دئییلمز سؤز، بیلینمز حال، سیغیشماز دیلده بیر تعبیر
دمادم وصله گردکدیر بساط آراسی عشقیله
گؤرهنمیر سئوگیدن باشقا نهیه باخماقدادیر، از بس
گؤزومدن داشلانیر هر بیر باخیش میناسی عشقیله
تجارت یوردودور دنیا، آلیرسان آل، ساتیرسان سات
بو آلوئردن قوتارمیش جانلارین سوداسی عشقیله
تانیشلیق پایلیان عشقین صفاسیندان دالیر غربت
ایشیقلانماقدادیر بیگانهلر سیماسی عشقیله