قاندال کلیدین باغلادی دیوانیه وئردی
ظلمت بوجاغین ساخلادی پروانیه وئردی
دردیله تانیشلار اورگین داغدی داغیتدی
معجون وفا سؤیلهدی، بیگانیه وئردی
غم اکسیرین ایشلهتدی قیزیل عشقیلی قلبه
آباد ائلهدی گوشهی ویرانیه وئردی
اوّلده منی آلدی کشاکشلر الیندن
آخیرده بو تشویشلره آیا نیه وئردی
سیغماز دئدی عالملره کؤنلوندهکی سودا
سودا دئدی میخانهنی پیمانیه وئردی
ساندیم کی اؤتورمز منی اؤز حالیمه بیرده
قاندال کلیدین باغلادی دیوانیه وئردی