نه اوزاقلاردا سانیردیم سنه یئتمک دیلگین
نه یاخینسان منه سن؟
هر زمان کیم
سنی آختارماغا
یوللار ماراقین قارشیلادیم
سن ایمیشسن
منه یوللوق دیلهییب
کؤنلومون بایداسینا
نوردییه ایمان قالییان
آی جانیمدا یئنی جان
نه اوزاقلاردا سانیردیم سنه یئتمک دیلگین
نه یاخینسان منه سن
هر زمان
آرزیلاریم سندن اؤتور یولدا قالیب
غم گلیب
گؤزده دوواقلار چوخالیب
هر زمان، آه بولوتو
گؤزلریمه کؤلگه سالیب
سن ایمیشسن
اورگیمدن یول ائدیب گؤزلریمه
دوواق آشماقدان اؤتور یاش جالییان
آی اورکده دولانان
نه اوزاقلاردا سانیردیم سنه یئتمک دیلگین
نه یاخینسان منه سن
آی یاخینلیقدان اوزاق
آی اؤزوم بویلو دوواق..