شکر…

شکر پیمانه‌سی‌ام لحظه شکار اولدو منه
بختورلیک دییه عشقین گینه یار اولدو منه
گؤوده‌م ایچره غریب اولموش جانیما رحم ائله‌دی
لحظه‌نی آچدی آچان لحظه دیار اولدو منه
منی «واعظ»کیمی دریا دیله‌دی یار یولونا
من کیمم کیم بئله بیر باده نثار اولدو منه
سایا گلمز های ائدیم سایدی آییلدیم یوخودان
یوخلادی یوخلوق الفباسی قرار اولدو منه
دوندوروردوم گۆنشی کؤنلوم آرا حسرتیلن
شاختالیق‌لار کؤمه‌سی دؤندی بهار اولدو منه
سحر الحمد اوخویوب دم‌ده اۆزرلیک سال اودا
بو مبارک‌لیگه کی سئوگی قرار اولدو منه