من پریشانلار…

من پریشانلار ایزیندن قالان آشفته‌لیگم
قیسی چؤللرده دیده‌رگین سالان آشفته‌لیگم
دالان آشفته‌لیگم دالغالانان دویغولارا
باش الیندن اولان عقلی آلان آشفته‌لیگم
یئتمیه‌ن تعبیره وارلیق بویو آشفته یوخو
یالان آشفته لیگم من، یالان آشفته لیگم
قیریلب سؤز سازیمین سیملری جان رشته‌سی تک
قیوریلیب داش دؤشونه باش چالان آشفته‌لیگم
دنیزه یئتمک اوچون دامدی گؤزومدن اورگیم
بو دیلک‌لر تله‌سینده، تالان آشفته لیگم
باخیرام دالداما یوخدور بیر آدام دالدالانام
سحر آشفته دئییر دالدالان آشفته‌لیگم