مدار مهره قهریله سالیر سان سایه رحم ائیله
اورکدن آیریلیرسان سالما یول سینایه رحم ائیله
اگر دنیاده اهل معرفت یا عشقه حرمت وار
گۆنشلیک ادعاسین وئرمه هر غوغایه رحم ائیله
سانیب یوخسول، دانیب عشقین، دؤزومسوز قلبیمی آتما
ملامت پالتاریلا گلمیشم دنیایه، رحم ائیله
منی سنسیز گؤرن گؤزلردن ایمان یول توتور گئتسین
روا قیلما یئته ائللر سؤزو ای وایه رحم ائیله
بو صاحب ادّعالردن قوتار وارستهلر باغرین
اریشدیر کؤنلومو انوار استغنایه رحم ائیله
سالار کن گؤز طاقیندان قهره سیندیرما سحر قلبین
گونش داشلاندیرار قان بادهسین دۆنیایه رحم ائیله