قولاغ آس…

قولاخ آس جنون سازیلا چالینیر نواسی عشقین
اولاجاق منیم کیمینلر گینه مبتلاسی عشقین
هره گیزلی بیر یولیلا چالیشر تاپیلمیش اولسون
یول ائدیر اورک‌لر ایچره بو سایاق بلاسی عشقین
بیری صاحب ادّعادیر بیری درده مبتلا‌دیر
بیری غمله آشنادیر بئله‌دیر هواسی عشقین
تانیش اولماز اؤزگه‌لرله نه دئیم نه‌دیر نه‌لرله
اولور اۆزگه اؤزلوگوندن اولان آشناسی عشقین
سحر، هر یئتن دییه‌نمز ندیر انتهاسی عشقین
کول اولانلار آرزیسیلا قویولوب بناسی عشقین