آچار

چفته‌سی گؤزیاشی تک آخمادادیر
چفته‌سی،
نور گؤلو تک
اله گلمیر بئله
بیر گیزلی خیال ایزلری تک
بیر به بیر.
هر نه آچار وار سالیرام
آچماییر هئچ بیریسی
بوغازیمدان آجی هؤنکورتو یاییلماقلا دؤنور
سورغو باغیرماقلارینا،
بو قاپی هانسی آچارلا آچیلار؟
سس وئرن یوخ سسیمه
گئجه حاکم
کوچه‌لر خلوت‌دیر
لاپ اوزاق یول‌لاردا
هاندا بیر ماهنی فضاسیندا گزه‌ن عاشیقلر
یول دؤشونده
اوخویورلار بئله بیر خاطیره‌نی
بو قاپی تکجه اونون راضی‌لیگیله آچیلار
دونمیه‌سن