منده…

منده سئوگیلی یار دانیشیر، یار اولوب منه وار دانیشیر
سانماکؤنلومو سایماییب‌لار زخمه‌لر دگیر تار دانیشیر
وصلینه یئتن دالدی اوندا هجرینه گرفتار دانیشیر
یوخ یاهالمیشام شوق الینده یار قولاق آسیر یار دانیشیر
کؤنلومون کوچه باغلاریندان ماهنی آددیمیلا سووشور
روحونون قرار قول‌لارین آچ دم‌ده بوینوما سار دانیشیر
پایلانیر چاخیر بویلو جاملار کؤنلومه گلین آی آدام‌لار
یش گئدیب آخیر یاز بولاغی گولده بویلانان قاردانیشیر
یار اوزاقدا یار یوخلاماقدا کؤنلو کؤنلومو ساخلاماقدا
دارتینان سئویم یایلاریندان اوخ منه طرفدار دانیشیر
یار قاداسین آلماقدان اؤتور بؤیله کی سحر بویلانیب‌دیر
داشلانان گونش بایداسیندان نور چپیک چالیر نار دانیشیر