منو
تورات
نه من سنه شراب تؤکه بیلدیم
نه سن منه هولدئرلین اوخودون
تورات یوروملاریندا یوماقلاندی بویوموز
و آرزیلاریمیز
دلی بیر کپنه‌یین قانادیندا شؤعله‌یه دوغرولدو
آرتیق
اونسوز دا یولوموز شؤعله‌دن کئچیردی
و شؤعله جهنم ایدی
و جهنم دؤنه دؤنه
تکرار اولموش ایدی قوتسال کیتابلاردا
اونسوز دا
داوودون قورشون آرخلاری
آخیردی تورات‌دا
هئی
هئچ بیزی قویمادیلار یول اؤته‌سی آزجا فیکیرلشک
کئچمیشه میخلادیلار
گؤزلریمیز
گله‌جه‌یه چیخدی
هئی!