زولف پریشان

کونلوم قوشی، اول زولف پریشان، اراسیندا
بیچاره قالیب، جنّت نیران، آراسیندا
گور کیم، نئجه سرگشته قالیب واله و تنها
اول خال خط ایله، بدخشان، آراسیندا
طغیان ائله‌ییب، درد غمیم بو دل زاریم
بیر کشتی یه بنزر، قالا طوفان، آراسیندا
دل، زولف ایله رخساریوه، چون قیلدی تماشا
آواره، قالیپ، کفر ایله ایمان، آراسیندا
آی گورنه عجب، معجزه دیرکیم، نئجه بیلمیش
بیر سونبول تر، آتش سوزان، آراسیندا
ای دل ائله مه غم، کی اونون یوخدی تفاوت
کویینده چو درویش ایله سلطان، آراسیندا
چون یار قیلیب لطفونی کم، هانی، او همدم
تا صلح قیلا، یار ایله حیران، آراسیندا