نجم-گئیسودار

سن ای یۆکسک فضالاردان آشان سیّاح-زرّین‌پر!
اوزاق، ای نجم-گئیسودار! اوزاق گز، ارضه یاقلاشما!
اوزاقدان پک گؤزلسین، منظره‌ن پک تاتلی، پک دیلبر،
محبّت یوق تقرّوبده، شو مهرکدن ساقین، شاشما!

تفرّوجگاهین ای سیّار-عۆلوی، پک گئنیش... یۆکسل!
بو آلچاق یئر سانا لایق دئییل، یۆکسل، یاقین گلمه!
مۆنوّر ساچلارینمیش سانکی زهرآلود بیر مشعل،
یاقارمیش خلقی!.. هر کس قورقویور، اوچ گئت، ساقین گلمه!

بیزیم تورپاقدا نامقبول اولور بیگانه‌لر دایم،
اونونچون سئومز اینسانلار سنی، هر کسده نیفرت وار.
مرامین قهر ایسه، گئت! اونلاری تسمیم ائدر دایم،
شو ارض اۆستونده یۆز بینلرجه گئیسودار یؽلدیزلار.