کۆچوک بیر لئوحه

اهتیزاز ائتمه‌ده هر یاندا بهیشت-نفخات،
اوقشویور صحن چمنزاری یئنه روح-باهار.
شمس، او نئوزاد-طبیعت گۆلویور شعشعه‌بار،
ساچییور هر طرفه رنگ-صفا، نور-حیات.
سانکی هر شئی گۆلویور، ارض و سما هپ مسرور،
هر طرف مئوجه‌ی-نور...

کایناته وئریور نشئه نسیم-سحری،
سرولر قامتی مئوزون ایله هپ مست-غۆرور...
بیر طرفده اؤتوشور شئوق و شطارتله طۆیور،
پرده-پرده ائنیور، یۆکسلیور نغمه‌لری.
سۆسلنیب ناز ایله بیر یاندا گۆلومسر ازهار،
پۆرصفا، لمعه‌نیثار...

گزینیر قارشیدا بیر طیفل-ملاحت یالینیز...
هر اداسیله او شوخ عالمی ائیلر مسحور.
ایشته، سیّار چیچک دئنمگه شایان بیر قؽز!
چشم-مخمورینه باقدیقجا اۆرک چؽرپینییور،
الله، الله! نه قدر عۆلوی... او ماوی گؤزلر!
او سماوی گؤزلر!

هپ چیچکلرده تموّوج ائدن الوان-سۆرور،
عکس ائدیب چؤهره‌ی-گۆلگونونه ائیلر لمعان؛
زۆلف-زرتارینی یالدیزلار الهی بیر نور،
ایشته بیر لئوحه کی، هر زایری ائیلر حئیران؛
ایشته بیر شعر کی، هر شاعیری ائیلر تلطیف،
نه قدر شعر-لطیف!..
بؤیوک دره.