گئت!

بنی آنلاتما کی عشق، عالم-سئودا نه ایمیش؟
بیلیرم بن سنی، گئت! هر سؤزون افسانه ایمیش.
گئت، گۆلوم، گئت، گؤزلیم! باشقا بیر عاشیق آرا، بول!
دویدوم آرتیق سنین عشقینده‌کی معنا نه ایمیش!..
بی‌وفاسن، ملک اولسان بئله اویمام داها، گئت!
کیم کی اویموش سانا، کؤنلوم کیبی دیوانه ایمیش.
یئتیشیر، گئت! بنی قهر ائیله‌مه، ترسا قؽزی، گئت!
آنلادیق شفقت-آیین-مسیحا نه ایمیش!
سنی بیر ساده‌دیل، آزاده ملک سانمیش ایدیم،
نئیله‌ییم!.. آه... کؤنول روحونا بیگانه ایمیش.
سنی تقدیس ائده‌رک بیر داها سئومم اصلا،
نه ایمیش سانکی بو عشق!؟ عاشیق-شئیدا نه ایمیش!
عالم-ذئوق و صفادن بانا بحث ائتمه، ساقین!
بیلدیک آرتیق بو جیهان مۆلکو نه ویرانه ایمیش!..