کئفلی-کئفلی

گونشدیر الده جامیم کئفلی، کئفلی

اؤزوم کئفلی، مرامیم کئفلی، کئفلی

ییخیلمام ساقی تئز – تئز تؤک چاخیر دان

هله واردیر داوامیم کئفلی،کئفلی

همیشه کئفلییم کئفسیزلر لیچره

کئچیر هر صوبح و شامیم کئفلی،کئفلی

اورک وولکان کیمی اود توتدو یاندی

آلیشدی پیشدی خامیم کئفلی،کئفلی

ایچیم یاندی آلیشدیم دفتر اوسته

آلوولاندی کلامیم کئفلی،کئفلی

سن هر سمته دئسن من سجده قیللام

منیم سن سن ایمامیم کئفلی،کئفلی

اگر سندن سووای بیر اؤزگه سیندن

خوشوم گلسه حرامیم کئفلی،کئفلی

گولوم هر یئرده سن واردیر اوزاقدان

سنه چوخ – چوخ سلامیم کئفلی،کئفلی

بوتون دونیاده عشق اولسون محبت

بودور آخیر پیامیم کئفلی،کئفلی