منو
همزبان و یکدل
ای دوست، یارارمی بؤیله ایقرار؟
یار اولدوغوم ایدی، اولدم اغیار.
سن غیریلر ایله اونس توتدون،
بیلمم نییه یارینی اونوتدون؟
سن غیر ایله همزبان و یکدل،
امما، منه روزگار موشکل.
بسدیر منه وئردییین بو خفت،
رقیبلر ایچنده، بی مروت!
بی رحملیک ائتدییین تامام دیر،
بیر رحم ائله کیم، آمان، آمان دیر!
باخ بیر فلکه، گؤر ایندی زینهار،
گؤر کیملر ایله ائدیبدیر اقرار؟
افسوس کی، کئچدی روزیگاریم،
آهیم سنه چاتماز، ای نیگاریم!
بیگانه لیک ائتمه آشنایم،
درگاهینه کمترین گدایم.
هر آن کی، منی بو حاله سالمیش،
ایندی بئله قیل و قاله سالمیش.
گل رحم قیل ایندی پادشاهیم!
افلاکه یئتیشدی دود آهیم.
سن یار ایله ذؤوقده، صفاده،
من بوردا، بو جؤور ایله جفاده.
سن واختیندا آشنالیق ائتدین،
دؤندون، بئله بی وفالیق ائتدین.
تقصیر کیمین اولدو، پادشاهیم،
بیلدیر کی، منه نه دور گوناهیم؟
بس نئیله سین، ایندی بو دیل زار؟
گؤر کیملر ایله چکردیم آزار.
سن نازنین ایله اول ایندی خرم،
اغیار ایله غم چکیم دمادم.
سن عیشده ایلش ایندی خوش دیل،
من هیجریده، هم ملول و موشکیل.
اؤلدور منی، اولسون اللرین وار،
صبر ائیله، گؤزوم، نه تقصریم وار.
قهر ایله چکردیم آه جاندان،
آه ال چکمه ییر ال بو ناتوان دان.