کوی یاردن

موشکولدور، من کناره دوشم کوی یاردن،
دیشواردیر کی، ال اوزه م او گول عذاردن.

یا رب، نولار کی، یار گله مرگ عاشیقه،
جان غصه دن رها اولا، دیل انتظاردن.

شاخ گول اوزره ائیله نیب اول شاه ماری گور،
امر ائیله ییر کی، چک الینی زولف یاردن.

هیجر آتشین آرایه دخی سالما، ای رقیب!
مومکون اولورمو آیریلا پروانه ناردن؟

حوسنون خیالی دیر سبب شؤوق خاطریم،
غمزه ن دی قویمایان قورتاریم آه و زاردن.

غمدن سوای غم گونو غمخوار یوخ، کؤنول!
شاد اول قضایه، هر نه یئته غمگساردن!

راه وفاده جان و جاهان وئردی ناتوان،
تا حشر اولونجا چکمز الین اعتباردن.