قرانیت دامارلاری ای چلیک قانلی تورپاق،
پالتاری سرت دمیردن الی قالخانلی تورپاق،
نه دئر سینهنده مئیدان سولایان، هایقیران دیو؟
دئر کی، منیم وارلیغیم اویوشوب یاتان دئییل،
دیشلری تئز اوینایان خؽش دئییل، کوتان دئییل،
کؤکسونو بؽچاقلایان، قوللارینی قؽران دیو!
گل یئنی جلّادینی – بو نری دینله، تورپاق،
اونون چؽخاردیغی گور سسلری دینله، تورپاق.
آیاق ایتی، باش یئکه، ساچلار بولوددان سیاه...
مؤحتشم گؤودهسیله کئچرکن اۆزریندن،
نئچه نئشتر ایزی قالدی قارتلاشان ایچریندن،
بیزیم دیو چؽنلاتارکن قولاقلاریندا قاه-قاه؟..