آد‌می آدم ائیلین پارادیر

آد‌می آدم ائیلین پارادیر،
پاراسیز آدمین اۆزو قارادیر،

قوی نه اصلین، نجابتین اولسون،
نه نجیبانه حالتین اولسون،

باش-آیاق عیب ایچین‌ده اولسان دا -
تک بو عالم‌ده دؤولتین اولسون؛

آد‌می آدم ائیلین پارادیر،
پاراسیز آدمین اۆزو قارادیر.

اولماسین فهمین، عقلین، ایدراکین،
وار نه غم، تا کی، واردیر املاکین؛

آتشی-خانه سوزی-ملّت ایکن --
هر کسین سجدگاهی‌دیر خاکین؛

آد‌می آدم ائیلین پارادیر،
پاراسیز آدمین اۆزو قارادیر.

اولماییر، اولماسین دا اینصافین،
دوت قانین شیشه ایچره اصنافین،

تا کی، وار الده بئش پوچوق قوروشون --
معتبرسن گؤزون‌ده اشرافین؛

آد‌می آدم ائیلین پارادیر،
پاراسیز آدمین اۆزو قارادیر.