نه تسبیح و، نه تقدیس و، نه قرآن ایله مشغولم،
بو گۆنلر من کنار-بوس جانان ایله مشغولم.
سۆزنده گؤزلرین جانان، دۆشور اعصابیمه لرزه،
وۆجودوم خستهدیر، پئیوسته درمان ایله مشغولم.
دخی وضع ائیلهمک مومکون دئییلدیر بندهیه، چۆنکی
گئجه تا صبح اولونجا نار-پۆستان ایله مشغولم.
اۆصول-دینه واقیف، هم فۆروع-دینه عاریفدیر،
جمیع احکامه دارا بیر مۆسلمان ایله مشغولم.
خیالیم وار یازام شرح-کیتاب-حۆسن-آیینه،
دواته تؤکموشم چئرنیل، قلمدان ایله مشغولم.
ید-بیضاسی وار ناز ائیلهمکده، عشق ساتماقدا،
رۆموز-عشقه واقیف بیر سۆخندان ایله مشغولم،
اۆزو گۆل، زۆلفو سۆنبول، دهنی پۆسته، بویو بسته،
گهی ناف-مۆدوّر، گه زنخدان ایله مشغولم.
منی یالقیز قویون یاریمله، ای یاران، سیزی تاری،
بو گۆنلرده نه دین ایله، نه ایمان ایله مشغولم.