ازلدن بیز ده بیر شکّر لبی سئودیک سئونلر تک
ازلدن بیز ده بیر شکّر لبی سئودیک سئونلر تک،
اولوب ریسوا آغیزدان-آغیزا دۆشدوک سۆخنلر تک.
نولوردو کیم، اولایدیم قاصیدین قوینونداکی کاغیذ
کی، من ده قلعهیه بیر یول گئدهیدیم بو گئدنلر تک.
گۆل انداملار صفای-صؤحبتین یاد ائیلریک هردم،
باتار اعضامیزا تا صۆبحهدک تۆکلر تیکنلر تک.
کرم قؽلمیش، بیزه اول لالهروخ بیر نامه گؤندرمیش،
آچیب اونو تاماشا ائیلریک برگ-سمنلر تک.
نه خوش نقّاشیمیش بو نامهنی (یا رب)، یازان کاتیب،
هۆنر ایظهار ائدیب، صورتده معجز گؤسترنلر تک.
سفرده یار یانیندان گلن کاغیذلاری بیر-بیر،
اؤپر واقیف، باسار باغرینا هردم گۆلبدنلر تک.