چؽخیب باشماق سئیرینه، ائدیب سئیر-چمن گلدیم

چؽخیب باشماق سئیرینه، ائدیب سئیر-چمن گلدیم،
آیاق اۆستدن قازاغا بیر گئدیب، گؤردوم وطن، گلدیم.

قؽزیل گۆل آچیلان گۆنلرده گۆلزار-قاراباغا،
سنین اولسون، عزیزیم، بؤیله معلومون کی، من گلدیم.

من ایدیم آبیاری بو گۆلوستانین ازل گۆندن،
یئتیردیم تازه‌جه گۆللر گنه من تازه‌دن گلدیم.

خیالین مۆهلیک آزاری منی آز قالدی اؤلدورسون،
قاییتدیم رهگوذار-قبردن، یؽرتدیم کفن، گلدیم.

وئر آغجا، آل قاراباشی، گئدنده سؤیله، ائی واقیف،
سنین اۆچون گتیردیم بیر بۆت-سیمین‌بدن، گلدیم.