مهریبانلیق گؤرمهییب بیر مهلیقادن کۆسموشم
مهریبانلیق گؤرمهییب بیر مهلیقادن کۆسموشم،
گۆنده یۆز آل ائیلهین قلبی قرادن کۆسموشم.
شأنینه دئدیم شیرین سؤز، بیر شئی اوندان دادمادیم،
بو سببدن آغزی شکّر دیلروبادن کۆسموشم.
بیر قدح مئی ایستهدیم، سؽندیردی کؤنلوم شیشهسین،
داش باغیرلی ساقی-صاحیب-جفادن کۆسموشم.
چۆن «اومان یئردن کۆسرلر» بیر مثلدیر خالق آرا،
کۆسدوگوم بیجا دئییلدیر، آشینادن کۆسموشم.
گؤردوم اوّل کی، بیناسین یارلیق ائتمک دئییل،
واقیفا! اصلی بودور، من بو بینادان کۆسموشم.