هر کیمین جانانی کیم، بیر اهل-عرفان اولمایا

هر کیمین جانانی کیم، بیر اهل-عرفان اولمایا،
شاه-عالم اولسا، اوندا راحت-جان اولمایا.

رسم-اۆلفت بیلمه‌ین بۆت، عاشیقین کافر ائدر،
ائی مۆسلمانلار، خوش اول کیم، یاری نادان اولمایا.

بیر لبی لعل و لطیف اندام و گۆل-رۆخسار اۆچون،
قطره‌ی-اشکین نه لۆطفو وار اگر قان اولمایا.

آفت-باد-فنادن داغیلا، برباد اولا،
اول بینا کی، اوندا بیر زۆلفی پریشان اولمایا.

نه صفا اول گۆل یاناقدان کیم، گؤزه گؤرونمه‌یه،
نه لذّت اول قؤنچه لبدن کیم کی، خندان اولمایا؟

واقیفا، بیر مه‌لیقای-مهریبانه مئیل قؽل،
تا کمال-عشقه اوندان ذرّه نؤقصان اولمایا.