منو
سؽغاللانیب-سؽغاللانیب سیاه زۆلف
سؽغاللانیب-سؽغاللانیب سیاه زۆلف،
نه گؤزل دۆشوبدور اۆزه، فاطمه!
جان آلیرسان یئنه، بو نه سۆرمه‌دیر
چکیبسن اول خومار گؤزه، فاطمه!
من ماییلم سنین زنخدانینا،
حلقه-حلقه زۆلف-پریشانینا،
جواهیرلر خرج ائیلرم شانینا،
اگر مۆشتاق اولسان سؤزه، فاطمه!
جان مۆلکونه وئرمم ساچی‌نین دنگین،
آت جانیما کیرپیکلرین خدنگین،
تا کی، گؤردوم یاناغی‌نین من رنگین،
دۆشموشم بیر اودا، کؤزه، فاطمه!
یای کیمی نه گؤزل چکیبسن قاشی،
اونا سؤز یوخ، هر نه دئسم یاراشی،
سنه پئشکش ائتمنم‌می جان-باشی؛
نئچون بیر گلمزسن بیزه، فاطمه؟
عشقین آتشیدیر منی اریدن،
جان اۆزولدو باخا-باخا گئریدن،
دؤنموشم ملکدن، تامام پریدن،
واقیفم، سئومیشم تزه فاطمه!
نه گؤزل دۆشوبدور اۆزه، فاطمه!
جان آلیرسان یئنه، بو نه سۆرمه‌دیر
چکیبسن اول خومار گؤزه، فاطمه!
من ماییلم سنین زنخدانینا،
حلقه-حلقه زۆلف-پریشانینا،
جواهیرلر خرج ائیلرم شانینا،
اگر مۆشتاق اولسان سؤزه، فاطمه!
جان مۆلکونه وئرمم ساچی‌نین دنگین،
آت جانیما کیرپیکلرین خدنگین،
تا کی، گؤردوم یاناغی‌نین من رنگین،
دۆشموشم بیر اودا، کؤزه، فاطمه!
یای کیمی نه گؤزل چکیبسن قاشی،
اونا سؤز یوخ، هر نه دئسم یاراشی،
سنه پئشکش ائتمنم‌می جان-باشی؛
نئچون بیر گلمزسن بیزه، فاطمه؟
عشقین آتشیدیر منی اریدن،
جان اۆزولدو باخا-باخا گئریدن،
دؤنموشم ملکدن، تامام پریدن،
واقیفم، سئومیشم تزه فاطمه!