منو
ای جاوان قؽز، مندن بئله گزمه گئن
ای جاوان قؽز، مندن بئله گزمه گئن،
من سنین اۆزونده خالی سئومیشم.
بند اولموشام شیرین-شیرین سؤزونه،
شکّر دوداغیندا بالی سئومیشم.
اۆزون آغ، دییرمی گؤزون مستانا،
باخیشین باغریمی دؤندردی قانا،
آغزین صدف، دیشلریندیر دۆردانا،
عجایب جواهیر، لعلی سئومیشم.
قاشلارین چکیلی یایلارا دؤنور،
آغلارام، گؤز یاشیم چایلارا دؤنور،
بزنیر، ایللره، آیلارا دؤنور،
جانلار آلان بیر مارالی سئومیشم.
حلقه‌لنیر زۆلفون بوخاق یانیندا،
یای قاشلارین اوجو قولاق یانیندا،
زنخدان ایچینده، یاناق یانیندا،
قارا تئللی بیر خطالی سئومیشم.
چوخ گؤزلسن، اما خویوندور یامان،
باخمازسان اۆزومه منیم چوخ زامان،
واقیف دئییر، سنین الیندن آمان!
من بیچاره نه هاوالی سئومیشم!
من سنین اۆزونده خالی سئومیشم.
بند اولموشام شیرین-شیرین سؤزونه،
شکّر دوداغیندا بالی سئومیشم.
اۆزون آغ، دییرمی گؤزون مستانا،
باخیشین باغریمی دؤندردی قانا،
آغزین صدف، دیشلریندیر دۆردانا،
عجایب جواهیر، لعلی سئومیشم.
قاشلارین چکیلی یایلارا دؤنور،
آغلارام، گؤز یاشیم چایلارا دؤنور،
بزنیر، ایللره، آیلارا دؤنور،
جانلار آلان بیر مارالی سئومیشم.
حلقه‌لنیر زۆلفون بوخاق یانیندا،
یای قاشلارین اوجو قولاق یانیندا،
زنخدان ایچینده، یاناق یانیندا،
قارا تئللی بیر خطالی سئومیشم.
چوخ گؤزلسن، اما خویوندور یامان،
باخمازسان اۆزومه منیم چوخ زامان،
واقیف دئییر، سنین الیندن آمان!
من بیچاره نه هاوالی سئومیشم!