بیر اۆزو گۆل، رنگی لاله، زۆلفو تر

بیر اۆزو گۆل، رنگی لاله، زۆلفو تر،
گشته چؽخیب، درر تازا بنفشه.
دسته-دسته سانجیب بوخاق یانینا،
یاراشیبدیر او شاه‌بازا بنفشه.

جیسمی مرمر، حلقه زۆلفلری قارا،
اونو گؤرن مجنون اولور، آوارا،
هؤروب ساچلارینی، سالیب قاتارا،
دۆزوب تئله، هم قوتازا بنفشه.

یاشی اون سککیزه یئنیجه یئتمیش،
گؤزللیکده تامام خلقی مات ائتمیش،
گشته چؽخمیش، یار گلدیگین ائشیتمیش،
داغا سالیب بیر آوازا بنفشه.

گؤیسون آچیب، آغ قوللارین چؽرماسین،
ائله گزسین، اونو رقیب گؤرمه‌سین،
اغیار ایلن چؽخیب سئیره، درمه‌سین،
لایق اولماز آنلامازا بنفشه.

سن ساللانیب قاباغیمدان گئدنده،
هرگیز قالماز صبر و ایختیار منده.
واقیف زۆلفلرینی تعریف ائدنده،
گرکدیر کی، اوّل یازا: بنفشه.